„СОС“ со каша попара теорија - Сорос е крив за платформата и италијански служби
Објавено во: Македонија 29 Март, 2017
Здружението Стоп операција Сорос и за албанската платформа како главен виновник го посочи милијардерот Џорџ Сорос преку неговата добротворна фондација Отворено општество. Секако, Сорос е виновен за сите проблеми во Македонија, но овој пат помош имал и од италијанските тајни служби, разузнавачот Зоран Верушевски, премиерот на Албанија Еди Рама и лидерот на СДСМ Зоран Заев.
- Ваквата конекција ја потврди и поранешниот претседател на Врховниот суд на Албанија, Крешник Спахиу, кој јавно изјави дека Еди Рама погрешно изиграл со Заев, кој бил директно финансиран од Сорос, и дека е познато дека Сорос го финансирал прислушувањето во Македонија - истакна Никола Србов, еден од основачите на СОС.
Се започнало со процесот на незаконското прислушување на политичари, новинари и бизнисмени во Македонија, а истото наводно со години го воделе италијанските тајни служби.
- Според италијанскиот закон, во Италија прислушување за потребите на државата вршат неколку приватни компании кои имаат склучено соработка со италијанските власти. Од целиот континент, само во Италија опрема за следење на комуникациите може да купат и правни субјекти со специјална дозвола од италијанската влада. Индициите водат кон тоа дека Џорџ Сорос ја финансирал целата операција, од набавка на опремата до креирање на снимките - рече Србов.
Од СОС велат дека истите луѓе што стоеле зад прислушувањето сега стојат и зад тиранската платформа.
- Зад тиранската платформа стојат Еди Рама, Зоран Заев и Џорџ Сорос, додека албанските партии се само маша преку која се спроведува планот на Сорос во Македонија. Крајната цел е уривање на унитарноста на Р. Македонија и создавање бинационална држава која де факто претставува федерација - рече Србов.
Ваквите теории и тврдења на СОС звучат слично како и нивното име, каша попара, па проценете сами.
Можеби ќе ве интересира
Анкетата на МКД.мк и Маркет најпрецизна за првиот круг претседателски избори
Таравари по телефонскиот повик од Мицкоски: ВМРО-ДПМНЕ разбира колку „тежиме“
ПОПЛАВА ВО ТОКСИКОЛОГИЈА: Пукнала цевка за парно, поплавени биле повеќе делови на клиниката
МАСКИРАН СО „ФАНТОМКА“ ВЛЕТАЛ ВО КАЗИНО СО АВТОМАТСКА ПУШКА - украл над 300 илјади денари, еве ги деталите
„АРТАН, ТЕРАПИЈАТА ТИ ЈА ПРЕПИШУВА Д-Р АРБЕН, ЌЕ ЈА ПРИМИШ НА 8 МАЈ“: Ганиу му се обрати на Груби
СЛАВЧО ПОПОСКИ ВЕЛИ ВИКЕНДОВ МОЖЕ ДА СЕ ПРАВИ СКАРА: Температурите ќе растат, во недела до 27 степени
„СОНЦЕТО ИЗГРЕА И Е УБАВ ДЕН ЗА ТУЖЕЊЕ“: Адвокатот Јанаки ќе го тужи Горан Костовски од Левица
ПОЧИНА ЕДЕН ОД ОМИЛЕНИТЕ ПРОФЕСОРИ НА МАКЕДОНСКИТЕ АКТЕРИ ШТО СТУДИРАЛЕ ВО СОФИЈА, АЛЕКСАНДАР ИЛИЕВ: „За сите кои бевме дојдени од странство се грижеше како за свои деца“
„ЗА РАЗЛИКА ОД МЕНЕ, ТИЕ ПРЕД ОЧИТЕ НА ЦЕЛА МАКЕДОНСКА ЈАВНОСТ ИЗЛЕГОА ВО АЛКОХОЛИЗИРАНА СОСТОЈБА“:Јакимовски му возврати на Муцунски за малиот број гласови на Стевчо
