Спасовски тврди имаат милион сомневања, Тодоров вели не го организирале упадот

Добивај вести на Viber

Пратеникот од СДСМ, Оливер Спасовски вечерва во „Само вистина“ на Канал 5 обвини дека од ВМРО-ДПМНЕ го организирале упадот во Собранието на 27 април. 

Тој вели дека за тоа што 3.5 часа внатре насилниците маваат со секакви предмети,  мора да има одговорност. 

„Милион сомневања има кои нас нè тиштат како луѓе. Можеби не го направило тоа ВМРО-ДПМНЕ, може е само структура од ВМРО-ДПМНЕ, но одговорност мора да има“ - категоричен е Спасовски. 

Пратеникот Никола Тодоров од ВМРО-ДПМНЕ рече дека нема логика тоа да го организирала неговата партија или лидерот, Никола Груевски. 

Тој вели дека се пеело албанска химна, се кршел Деловникот при избор на спикер и по тоа се случи нападот.  Смета дека тоа довело до влошување на состојбата и зголемување на револтот кај граѓаните. Тодоров вели дека едно зло носи друго зло. 

„Ниту сум знаел што ќе се случи, ниту имало што да се знае. Ова е катастрофално немил настан“ - рече Тодоров. 

Тородов прашува зошто изборот на спикерот Талат Џафери се случи во 18 часот, а не порано, а на ова Спасовски кажа дека не е важен терминот, туку е важно Собранието да биде заштитено. 

За пеењето албанска химна Спасовски рече дека претседателот Трајко Велјановски требаше да го исклучи пратеникот од БЕСА кој пееше химна на туѓа држава.