Србија ја зајакнува безбедноста на границите со Бугарија и Македонија
Објавено во: Балкан 23 Март, 2017
Србија го зголемува военото и полициско присуство по границите со Бугарија и Македонија поради предупредувањата на трети земји за можно преминување на терористички групи во земјата. Другата причина поради која нашиот сосед ја засилува безбедноста е евентуалниот бегалски бран од Турција.
„Вклучувањето на армијата и полицијата во обезбедувањето на државните граници спречило влегување на 20 илјади мигранти на територијата на земјата и доведе до апсење на 132 шверцери на луѓе“, коментира портпаролот на Министерството за одбрана и на Армијата на Србија, Јован Кривокапиќ.
По затегнување на односите меѓу Турција и ЕУ меѓународната ситуација е променета и Србија реагира на тоа, пишуваат локалните медиуми.
Во последните денови се зголемија обидите на бегалци за нелегално преминување на границата со Бугарија и Македонија.