СРБИЈА НЕ Е ВЕЌЕ НА ЦРВЕНАТА ЛИСТА НА СЛОВЕНИЈА: Но, останува карантинот за Србите кои ќе влезат во земјата
Објавено во: Балкан 30 Август, 2020
Од денеска Србија
веќе не е на црвената листа на Словенија, но е преместена во жолтата листа на
земји со висок ризик, со над 40 заразени со вирусот на 100.000 жители.
Ова значи дека карантинот е сè уште задолжителен за патниците од Србија, но со бројни исклучоци, пишува СТА. Хрватска сè уште е на црвената листа, а карантинот е сè уште задолжителен за повеќето патници од оваа земја. Нема промена на зелената листа од 19 земји кои се сметаат за помалку ризични, а повеќето од овие земји се од Европа.
Владата ја донесе оваа одлука откако ја процени епидемиолошката состојба во земјите од Европската унија, Шенген зоната, земјите на Балканот и регионите во Италија. Беше направена повторна проценка за мерките поврзани со КОВИД-19 на границата и на контролните пунктови во земјата, по што беше одлучено дека сегашниот режим ќе остане на сила.