Србите осомничени за убиството на туристот префрлени од Закинтос
Објавено во: Балкан 20 Јули, 2017
Петмина српски државјани, осомничени за претепување до смрт на американскиот турист Бакари Хендерсон на Закинтос на 6 јули, се префрлени во други затвори во Грција.
Тие во притвор ќе го чекаат почетокот на судењето.
Двајцата осомничени Д.Р. и М.С. од вчера утрото се во привремен притвор во Патарс откаде ќе бидат понатаму спроведени во два различни затвори, додека останатите претходно се однесени од Закинтос, рекла за танјуг Зора Добричанин Никодиновиќ.
Според нејзините зборови, тие и понатаму не добиле решение за одредување на притвор во писмено испраќање.
Тоа решение е неопходно за поднесување жалба во рок од пет дена, од денот на прием на решението.
На Д.Р. му е одреден привремен притвор, а на другите четворица српски државјани им е одреден притвор до почетокот на судењето, кој според грчкиот закон може да трае до 18 месеци.
Преостанатите двајца осомничени српски државјани се пуштени да се бранат од слобода.
На момчињата им се става на терет кривично дело сочуесништво во убиство извршено ноќта помеѓу 6 и 7 јули, кога во тепачката во клубот „Бар код“ во местото Лаганас, до смрт е претепан американскиот студент Бакари Хендерсон (23).
Истрагата која е во тек, треба да утврди поединечен степен на вина и вмешаност во ова дело на секој од осомничените посебно, што значи дека квалификацијата на дела во однос на секој од нив би можела да биде изменета до покренување на обвинението.
Како што е најавено, судењето за ова дело оние кои ќе бидат обвинети ќе се одвива во грчкиот град Патрас.
Како што пренесла адвокатката на обвинетите, клубот каде што се случи кобната тепачка, овие денови е речиси празен иако е отворен до раните утрински часови.