Србите се израдуваа откако Македонија им дозволи транзит до Грција
Објавено во: Балкан 14 Јуни, 2020
Српските медиуми масовно ја пренесуваат синоќешната одлука на македонската Влада со која странски државјани ќе можат да останат во Македонија најмногу пет часа пред да излезат од земјата.
Северна Македонија само ќе го отвори преминот Богородица / Евзони кон Грција, кој од утре ќе ги отвори своите граници за граѓаните на Србија, додека Дојран останува затворен.
Владата на Северна Македонија усвои протокол за транзит на туристите на премините од аеродромот Скопје, Табановце, Деве Баир, Богородица, Ќафасан, Блаце и Скопје.
Како што беше најавено по владината седница, транзитот на туристи подразбира влез на едниот граничен премин и излез на друг, а ќе може во Северна Македонија да останат максимум пет часа без скршнување од рутата.
Ова ќе биде потврдено со изјава која патниците ќе ја пополнат на влезот во Македонија, а потоа ќе ја предадат на граничната полиција кога ќе ја напуштат земјата.