Српската Влада го поздрави укинувањето на заштитната мерка за пченицата
Објавено во: Агробизнис 30 Август, 2013
Српската Влада ја поздрави одлуката за укинување на заштитната мерка за условен увоз на пченица и брашно од македонска страна.
Како што изјави министерот за надворешна и внатрешна трговија и телекомуникации Расим Љајиќ, Србија очекува Македонија во иднина да не спроведува вакви мерки зашто тоа е од интерес за двете страни.
- Ако ги искористиме сите потенцијали, трговската размена меѓу двете земји може да достигне една милијарда евра наспроти сегашните 600 милиони, рече Љајиќ.
Македонија ја воведе мерката за условен увоз на пченица и брашно во јули годинава за да го заштити домашното производство. Откако надлежните оценија дека пазарот е стабилизиран и дека се надминати сите предизвици за какви било нарушувања, донесена е одлука за укинување на мерката на 2 септември, а за брашно во првата половина на идниот месец.
Можеби ќе ве интересира
ПОЧНА СОБИРАЊЕТО И ОТКУПОТ НА ПЕЧУРКИ: Дали е на повидок успешна сезона?
