Српски Курир направи екс министер бездомник - Тој ги демантира
Објавено во: Балкан 23 Јануари, 2017
Екс министерот за образование на Србија Слободан Вуксановиќ ги негира написите на дел од српските медиуми, особено на сторијата која ја објави Курир, дека бил пронајден премрзнат во парк и дека службите морале да го спасуваат.
„Тој не личеше на себе. Температурите надвор беа многу ниски. Г-дин Вуксановиќ беше пропаднат, ослабен и бескрајно загрижен дека го наоѓаме во оваа состојба“, раскажал социјален службеник за српски Курир.
Вуксановиќ сепак, излезе со демант и сподели дека сеуште живее каде што израснал, на „Врачар“, како и дека неговиот стан не би го заменил со „пет вили на Дедиње“.
„Не сум гладен, небричен и не спијам носејќи тенка јакна со ранец во парковите. Не сум премрзнат, и секое утро слушам совети Нада Мацура и носам дебела облека“, изјавил Вуксановиќ“ за Б-92.
Вуксановиќ сега работи на приватен факултет и предава социјологија и комуникологија и дека студентите многу го сакаат, како и дека не му е јасно од каде излегле овие приказни. За оваа лажна и непроверена вест Вуксановиќ реши да не покрене судски спор против Курир и медиумите кои ја пренесоа информацијата.