ССМ и натаму блокиран за легитимниот претседател кој го тргна Митревски
Објавено во: Македонија 14 Август, 2017
Дарко Димовски кој пред повеќе од една година беше изгласан од синдикалните тела за нов претседател на ССМ не може да стапи на функцијата бидејќи зградата е блокирана по приватна наредба на Живко Митревски кој не може да се соочи со фактот дека повеќе не е лидер на најголемата синдикална организација во Македонија.
Димовски веќе е запишан во Централниот регистар на Република Македонија како претседател на ССМ со што треба да започне да го извршува мандатот, но тој и неговите соработници од гранските синдикати кои беа избркани никако да се вратат во нивниот синдикален дом.
Тогаш Митревски ги избрка четирите најголеми грански синдикати кои го обвинија дека е поставен само за интересот на власта, а не да ги брани правата на работниците..