ССМ објави колку чинела синдикалната минимална кошничка во декември
Објавено во: Економија 08 Јануари, 2021
Синдикалната кошница за декември чини 33.697 денари, објави Сојузот на синдикати на Македонија (ССМ). За исхрана и пијалоци се трошат 14.078,27 денари или 41,78 отсто, на домување 10.817,34 денари или 32,10 проценти, на хигиена 2.386,07 денари или 7,08 отсто, на превоз 2.464,22 денари или 7,31 процент, на облека и обувки 2.159,41 денари или 6,41 отсто, на култура 1.066,79 денари или 3,17 отсто, а на одржување на здравје 724,8 денари или 2,15 проценти. Просечната исплатена нето плата во октомври 2020 година изнесуваше 27.899 денари.