„Стандард и Пурс“: Рејтингот на Македонија е наметнат од слабата институционална и владејачка ефективност
Објавено во: Економија 01 Октомври, 2016
Рејтинг агенцијата „Стандард и Пурс“ го потврди кредитниот рејтинг на Република Македонија ББ – со стабилен изглед. На рангирањето, како што се објаснува меѓу другото влијаела и политичката криза.
„Македонската политичка криза продолжува да се одолговлекува. Предвремените избори, првично закажани за април 2016 година, а потоа одложени до јуни 2016 година, повторно беа откажани и сега се очекува да се одржат во декември 2016. Иако на крајот на август двете најголеми политички партии, ВМРО-ДПМНЕ и опозициската СДСМ ги договорија сите неопходни предуслови за фер и демократски избори, прочистувањето на избирачкиот список и напредокот кон слободни и фер избори, други одложувања на декемвриските избори не може да има, со оглед на тоа дека кризата трае долго. Сметаме дека рејтингот на Македонија е наметнат од слабата институционална и владејачка ефективност, која резултира од недостатокот на напредок во областите јавен финансиски менаџмент, медиумска слобода и независност на судството. Неефикасниот реформски прогрес, комбиниран со конфликтот со Грција за уставното име, го прават влезот на Македонија во ЕУ да не биде веројатен до 2019 година“, се вели во соопштението.
Исто така се наведува дека како резултат на повторно издавање на еврообврзницата, профилот на задолжување на македонската влада е изложен на ризик.
Без силни мерки за консолидирање и подобрување во финансиската рамка, дефицитот ќе биде 3,3% отсто за 2017-2019. Делумно, овие дефицити ја рефлектираат владината инвестициска програма, која e поттикната од државните инфраструктурни потреби, но исто така и од помалку продуктивни инвестиции како проектот „Скопје 2014“, се вели меѓу другото во извештајот на „Стандард и Пурс“
Можеби ќе ве интересира
Кина има за цел да склучи повеќе договори за слободна трговија, ветувајќи зголемена отвореност
НАЈГОЛЕМИТЕ ЕКОНОМИИ ГИ ПОДБРАА БОГАТАШИТЕ: Милијардерите да плаќаат даноци за да ја надоместат штетата на светот
Бугарскиот „Флекс Кредит“ ќе врти кај должници и ќе бара наплата за компании
СТАНОВИ И КАНЦЕЛАРИИ „ТЕШКИ“ 600 ИЛЈАДИ ЕВРА ОДАТ НА БАРАБАН: еве каков имот нудат банките на продажба
ССМ НАЈАВИ ПРОТЕСТ ЗА 1 МАЈ: Бараат минималецот да изнесува најмалку 450 евра
„ДОЈЧЕ БАНК“ ГИ ИЗНЕНАДИ АНАЛИТИЧАРИТЕ: Ја објави нето добивката
НОВИ ПРОБЛЕМИ ЗА „БОИНГ“: ќе плати 443 милиони долари на авиокомпаниите за приземјувањето на авионите Max 9
Економската зона Ченгду-Чонгкинг е еден од главните мотори на идниот економски раст на Кина
ДАЛИ Е ОВА НАЈВИСОКАТА НЕТО ДИВИДЕНДА? Изнесува 35 евра за акција, а приносот е 7 отсто
