Стануваат ли Македонците малцинство во сопствената држава - БГНЕС ја обвинува Србија за пропаганда против уставните измени
Објавено во: Македонија 27 Август, 2023
Бугарски медиум ја обвинува Србија дека шири пропаганда против уставните измени кои треба да ги направи Македонија, односно да ги внесе Бугарите во Уставот.
БГНЕС тврди дека Белград се вклучи во пропагандата против уставните измени во Македонија.
Српската државна телевизија РТС отворено се вклучи во пропагандата против уставните измени кои се задолжителен услов за почеток на преговори во Скопје за членство во ЕУ, пишува денес БГНЕС.
Во опширниот извештај, кој беше насловен „Дали Македонците ќе станат малцинство во
татковината“ РТС , според БГНЕС, сугерира дека „Бугарите го оспоруваат идентитетот на Македонците”.
„Пред 5 години РСМ го смени името како услов да продолжи со евроинтеграцијата, но сега Бугарија постави бариера и сака Бугарите да бидат регистрирани како малцинство во преамбулата на уставот, а претставуваат само 0,19 отсто од населението“, се вели во извештајот.
Во информациите на РТС, покрај „опасноста од Бугарите, не е испуштена и другиот дежурен непријател – Албанците кои го загрозуваат интегритетот на државата“, пишува БГНЕС.
Во Македонија опозицијата е против уставните измени.
фото БГНЕС