Добивај вести на Viber
Стефан Богоев, директорот на Центарот за истражување и анализа на СДСМ, објави дека е починат неговиот татко Владимир Богоев, поранешен новинар и еден од основачите на згаснатиот весник „Дневник“.
„Си замина мојот татко, а ваш другар и пријател Владимир Богоев. Тажен сум зошто го нема, пресреќен сум зошто го имав во животот. Човечиште во секоја смисла на зборот, бескрајно скромен и секогаш спремен да помогне. Новинар, еден од основачите на "Дневник". Ти благодарам што си ми татко, ти благодарам за СЕ ! Муабетете со Трајко и трчајте со Лиле на небото. Еден ден, ќе бидеме заедно пак, ќе збориме за политика, ќе се закачаме за Барса и Реал...А до тогаш, со зборовите на твоите Queen, Show must go on...“, напиша поранешниот градоначалник на Карпош на социјалните мрежи.
Погребот ќе се одржи утре, среда, во 12 часот, на гробиштата во Бардовци, во дворот на црквата Света Троица.