Стоилковски: Наместо аванси и пенали за непочнати автопати, Ковачевски и неговиот шеф Груби можеа да купат Трикафта за 130 лица за 10 години
Објавено во: Македонија 27 Април, 2023
Наум Стоилковски, од ВМРО-ДПМНЕ, на прес конференција истакна дека 300 милиони евра, толку владата мора да исплати како аванс и како пенали само за март и април, според Договор за непочнати автопати.
Почитувани, со 300 милиони евра, државата може целосно да купи терапија Трикафта за сите пациенти со цистична фиброза, и тоа непречено, непрекинато за рок од следните 10 години.
Ако неполни 300.000 долари е годишно за еден болен, а во Македонија има околу 130 пациенти со цистична фиброза, значи само со парите, обврски по договорот од март до мај, за незапочната градба и без проект, со 300те милиони евра аванс и пенали, 10 години би се обезбедил лек за животозагрозувачка болест за 130 лица.
Ковачевски и неговиот шеф Груби треба убаво да пресметаат колку животи ставаат во опасност, но и колку доживотни робии има во овој грабеж и штета од стотици милиони евра?, истакна тој.