Стојанов: Провоцираните судири би биле неприфатливо богохулење за споменот на Гоце Делчев
Објавено во: Македонија 01 Февруари, 2023
Екс бугарскиот претседател Петар Стојанов повикува да нема ескалaција на 4 февруари.
Тој и повеќе видни луѓе во Бугарија упатија повик за смирување на тензиите.
„Ние, долупотпишаните – Петар Стојанов, претседател на Република Бугарија (1997-2002) и потомци на семејства и семејства од Македонија, изјавуваме дека сме длабоко вознемирени од тензијата што настана во двете земји по повод прославата на годишнината од раѓањето на Гоце Делчев и апелираме до граѓаните и политичарите на двете земји, како и до нивните роднини и пријатели од двете страни на границата, во никој случај да не дозволат оваа тензија да ескалира“, стои во апелот.
Вели дека провоцираните судири меѓу граѓаните на Македонија и Република Бугарија би биле неприфатливо богохулење за споменот на Гоце Делчев.
Петар Стојанов, претседател на Република Бугарија (1997-2002)
Рајна Дрангова – внука на полковник Борис Дрангов
Елисавета Шапкарева – правнука на големиот охридски фолклорист и етнограф Кузман Шапкарев
Евелина Александрова – внука на војводата Тодор Александров
Михаил Развигоров – внук на штипскиот војвода Миша Развигоров
Симеон Евтимов – внук на Симеон Евтимов, директор на весникот „Македонија“ и кум на Иван Михаилов
Христо Христов – правнук на Гоце Делчев и управител на Фондацијата за соработка и културен натпревар „Гоце Делчев“
Инаку, контроверзниот основач на фондацијата „Македонија“ Виктор Стојанов уште еднаш ги повика сите Бугари да дојдат на чествувањето на годишнината од раѓањето на револуционерот Гоце Делчев. Тој преку објава на социјалните мрежи тврди дека нема да има и нема да бидат дозволени никакви барикади, блокади или провокации. Според него, околу 150 луѓе од Бугарија в сабота ќе дојдат во Македонија.фото принтскрин