Тешка криза за бензин во Сирија, блокирана доставата на гориво
Објавено во: Свет 13 Февруари, 2013
Со цел да ги спречат цистерните со гориво да влезат во Сирија демонстрантите ги блокирале двата главни патни правци во северниот дел на Либан
Како што пренесе либанската информативна агенција, блокиран е пристапот кон граничните премини Арида и Дабусие, а не се пропуштаат ни цивилни возила кон границата. Во Сирија има голема криза за бензин и дизел гориво поради војната.
Либанската Влада вчера ги отфрли обвинувањата дека државните рафинерии испорачуваат дизел гориво во Сирија, но демонстрантите тврдат дека дел од испратеното гориво во Сирија се користи за тенковите. Во нападите досега загинаа околу 70.000 луѓе.