Стружанец со денови држел Шпанка затворена во хотел, по што е силувана
Објавено во: Македонија 05 Април, 2022
Жител на струшко со денови држел Шпанка затворена во хотел, по што е силувана.
Полициски службеници од Полициската станица Струга и Секторот за меѓународна полициска соработка, по преземени мерки, а по барање на Интерпол Шпанија, вчера ја пронашле К.М.Т.(39) од Шпанија во хотел во Струга. Таа во Струга пристигнала преку Тирана, по претходен договор со Ш.С.(29) од селото Радолишта, струшко, по што Ш.С. без нејзина согласност неколку дена ја држел затворена во соба во хотел во Струга и ја присилувал на сексуални односи.
Вчера околу 21.30 часот во Полициската станица Струга е приведен Ш.С. и со него бил извршен службен разговор. Известен е Јавен обвинител и по целосно расчистување на случајот, полицијата ќе му поднесе соодветна пријава.