Светот е под закана од нова голема економска криза
Објавено во: Економија 27 Јуни, 2017
Сите добро го паметат крахот на финансиските пазари во 2008 година од кој последици имаше целиот свет, но никој не се надеваше дека ризик од нова силна економкса криза може да се јави толку кратко по релативното заздравување на светската економија.
Угледни економисти за „Индепендент“ токму затоа даваат рано предупредување дека е возможен нов силен пад на економијата кој ќе има светски последици.
Најголем проблем е кинескиот пазар кој покажува исти симптоми како и економиите на САД и Велика Британија пред да почне големата финансиска криза во 2007 и 2008 година, се вели во извештај на најстарата светска економска организација БСИ, позната и како Централна банка за централните банки.
Клаудио Борио, шеф на монетарниот сектор на организацијата, вели дека новата рецесија може да дојде „со одмазда“ и дека би личела на финансиски бум што лошо завршил.
Освен за нова рецесија, економистите предупредуваат и на закана од зголемениот долг во држави како Кина и зголемениот протекционизам во САД.