Свирепо убиство на адвокат ја шокираше Грција
Објавено во: Балкан 13 Октомври, 2017
Познатиот адвокат Михалис Зафиропулос од Атина бил убиен на свиреп начин од двајца напаѓачи кои го застрелале во неговата сканцеларија.
Убиениот адвокат во изминативе неколку години застапувал многубројни обвинети во случаи на корупција, а бил активен и во Адвокатската комора.
Одборот на Комората реши поради неговото убиство една недела да ги запре сите активности на адвокатите во Атина.
Премиерот Алексис Ципрас побара брзо расветлување на случајот, додека претседателот на опозициската Нова Демократија Киријакос Мицотакис изјави дека бил згрозен од убиството на истакнат член на неговата партија.