Таравари: Уставот ни е крпен, треба да се направи Устав што ќе биде прифатлив
Објавено во: Македонија 04 Ноември, 2022
Уставот ни е крпен, треба да се направи Устав што ќе биде прифатлив, вели в.д. претседателот од Алијанса за Албанците, Арбен Таравари во интервју за „Макфакс“. Тој вели дека АА ќе учествува на лидерската средба која ја свика премиерот Димитар Ковачевски.
„Ја прифативме лидерската средба со Ковачевски, имавме заеднички став дека треба да се оди. Ќе одиме, ова е важен момент за државата. Уставот ни е крпен и треба да се седне и да се направи Устав што ќе биде прифатлив“, рече Таравари.
Вели дека во моментов од помош може да ни е и руската агресија врз Украина, која, како што вели може да го забрза евроинтегративниот процес. Засега е неизвесно дали претседателот на ВМРО-ДПМНЕ, Христијан Мицкоски ќе се појави на лидерската средба во понеделник во Собранието.