Технологии кои го сменија начинот на водење бизнис

Добивај вести на Viber

Дека технологијата целосно го смени светот, економијата, односно бизнисот во целина е јаснои познато на сите. Отворени се целосно нови и претходно незамисливи гранки во бизнисот кои им овозможија водење бизнис на сосема нова категорија луѓе.

Сепак, придонесот на технологијата во промената на бизнисите во светот не се гледа само во новоотворените области за водење бизнис. Слободно може да се каже дека исто така голема и важна промена има и кај постојните бизниси кои добија нови алатки и можности за унапредување на работењето, ефикасноста, организацијата...

Познато е дека активности кои порано биле невозможни или сложени и требало долго време да се направат, во денешно време се достапни со еден клик, а тоа посебно важи од кога почна да се развива машинското учење, како и вештачката интелигенција генерално.

Развојот на технологијата овозможи и воведување нови практики на работа, практики кои претходно едноставно биле невозможни или биле премногу сложени и воопшто не се пременувале.

Влијанието на технологијата и начинот на којшто таа го промени водењето бизнис, најдобро е да го прикажеме преку примери.

Како технологијата го смени начинот на водење бизнис, би можело да се прикаже преку едно вакво сеценарио: компанијата „1“ работи во областа на прехранбената индустрија, таа работи успешно и поседува повеќе камиони со кои ги превезува своите производи до маркетите за малопродажба. Поради потребата прехранбените производи да се чуваат на пониска температура, компанијата користи со камиони  ладилници.  Заради ненамерна грешка во регулирање на температурата во ладилникот, многу често се случувало да се расипат сите транспортираните продукти, а сопственикот да претрпи голема материјална штета или уште полошо, така да стигнат на рафтовите во продавниците.

Денес, секоја компанија може да купи сервис којшто ќе овозможи постојано следење на температурата во фрижидерот од камионот. Секоја промена до која ќе дојде, веднаш може да биде регистрирана од страна на вработените во центарот за контрола и да се реагира кога тоа е потребно, пред да дојде до некаков проблем.

Тоа значи дека доколку поради некоја причина, расипување на моторот или заборавање на вратата отворена од страна на возачот, дојде до зголемување на температурата над одредено ниво и време, компанијата веднаш ќе знае за овој случај и соодветно и навремено ќе реагира.

Оваа услуга која овозможува мониторинг на температурата и уште многу други поволности е Fleet Management и е достапна за сите компании во Македонија преку Македонски Телеком.

Друго сценарио: компанијата „2“ е компанија која работи со производство и продажба на мебел. Оваа компанија знае дека за да може да го продаде тоа што е во можност да го произведе ќе треба да отвори повеќе продавници. Меѓутоа наместо непотребно да инвестира во поголем број продавници, дел од продажните места може да ги замени со онлајн продавница.

На овој начин, клиентите ќе можат да се запознаат со производите од компанијата уште пред да дојдат во некоја од продавниците, а исто така можат и да купат производ директно од веб страницата на компанијата.

Ова се само неколку примери од кои се гледа дека технологијата не само што го унапредува работењето, туку заштедува и време и пари со услуги кои се лесно достапни во нашата земја,  за сите типови бизиниси.