ТЕЛЕВИЗИЈАТА НА ВЛАДИКАТА ПЕТАР ЗА 10 ДЕНА ЌЕ ЕМИТУВА ЗАБАВНИ ПРОГРАМИ: На 1.мај „Преобразба“ оди во етер
Објавено во: Македонија 18 Април, 2023
ТВ „Преобразба“
на Владиката Петар кој од вчера повторно е во центарот на вниманието поради
неговото велигденско послание во кое го нападна феминизмот, а родовата
еднаквост ја нарече изопаченост, треба да зрачи во етер од 1.мај.
Според одлуката на Агенцијата за аудио и аудиовизуелни медиумски услуги (ААВМУ), согласно Одлуката за доделување на дозволата, се обврзува да започне со вршење на дејноста на 1-ви мај 2023 година. Телевизијта доби дозвола за општ, претежно забавен формат, каков што имаат најголемиот дел од телевизиските станици во државава.
Како што претходно објави Фактор, во Одлуката на Советот на АВМУ, меѓу другото, стои дека „се доделува дозвола за телевизиско емитување на програмски сервис со претежно забавен општ формат, на македонски јазик, на регионално ниво Скопје, што ги опфаќа градот Скопје и општините Чучер сандево, Арачиново, Илинден, Петровец, Зелениково, Студеничани и Сопиште, на правното лице ‚Преобразба“.
Но, официјално Владиката не соопшти кои ќе бидат содржините на неговата телевизија, исто како што од негова страна нема никакви коментари по вчерашното велигденско послание, по кое се нижат критики од сите страни. За ова прашање веќе два дена молчи и МПЦ.