ТЕНЗИЧНО КАЈ ЕВЗОНИ: Грчките земјоделци гo засилуваат притисокот
Објавено во: Балкан 01 Февруари, 2017
Грчките фармери изјавија дека од денес се подготвени да го зголемат притисокот, така што ќе го блокираат движењето по сите патишта до Солун.
Вчера тие го блокираа околу еден час движењето на граничниот премин „Промахон„ кон Кулата, преминувајќи пешки преку ниви крај Промахон, за да направат жив синџир на блокади. Полицијата во Грција ги утврди нивните активности како „грубо прекршување на јавниот ред“.
Властите во Грција уверуваат дека се прави се што е неопходно за спречување на нова блокада. Земјоделците, сепак не се откажуваат од намерата да протестираат на границата Македонија и со Бугарија.
Блокадите во земјата не само што не се намалуваат, но и се зголемуваат. Засега не создаваат огромни проблеми, но го запираат движењето за 2 часа на различни места. Грците ги поддржуваат земјоделците и покрај тешкотиите и загубите кои ги трпат од блокадите.
Ескалација на тензиите има на границата со Македонија, кај „Евзони„. Таму сообраќајот е прекинат. Товарните возила се пренасочуваат кон Кулата. Кон границата со Албанија, исто така се насочува механизација. Таму се очекува блокада. Претставници на фармерите, ги продолжуваат преговорите со Владата за повлекување на законот за високите даноци.
Имено, како што соопштивме, блокадите на границата кај граничниот премин Богородица траат од понеделникот попладне.