Џонсон денес поднесе оставка и во писмото порача дека „сонот за брегзитот умира“, и дека Британија ќе заврши како колонија на ЕУ, додека Меј во своето писмо до сега веќе поранешниот шеф на дипломатијата кажа дека е „малку изненадена“, особено по продуктивните разговори за брегзитот во петокот.
„Кралицата е среќна што може да го потврди именувањето на Џереми Хант за министер за надворешни работи на Комовелтот“, објави владата на Меј во соопштение.
Џереми Хант, досегашниот министер за здравство, сепак го поддржуваше останувањето на Обединетото кралство во ЕУ.
Британската премиерка претходно одржа средба со пратениците на својата Конзервативна партија во обид да ја добие нивната поддршка за својот план за брегзитот, за кој еден од учесниците кажа дека минал „многу добро“. Ројтерс пишува дека Меј членовите на нејзината партија ја пречекале и испратиле со аплауз.