Тереза Меј нуди 20 милијарди евра за Брегзит?
Објавено во: Свет 20 Септември, 2017
Британската премиерка Тереза Меј ќе понуди оваа недела најмалку 20 милијарди евра на Европската унија да ја пополни буџетската дупка по Брегзит, објави британски Фајненшел тајмс.
Оливер Робинс, советник на премиерката за ЕУ, како што пишува ФТ им рекол на европските колеги дека премиерката во петок во Фиренца ќе одржи говор за ЕУ и притоа ќе ја изнесе својата понуда.
Велика Британија досега не предложила никаква сума која планира да ја исплати за „развод од ЕУ“, која би требало да ја напушти на 29 март 2019 година.
Сума досега не изнесувал ни Брисел, но некои претставници од Унијата проценуваат дека Британците би требало да исплатат помеѓу 60 и 100 милијарди евра.