TEРОРИСТИЧКИ НАПАД ВО ЛОНДОН: Исламска држава презеде одговорност за масакрот

Добивај вести на Viber

Терористичката група „Исламска држава“ ја презеде одговорноста за вчерашниот напад пред британскиот парламент во Лондон, при што патничко возило удри во толпа, соопшти агенција поврзана со џихадисти. 

На страната на пропогандната агенција е објавен следниов текст: „Војник на Исламска држава“ ги извршил злосторствата пред зградата на британскиот Парламент во Лондон. Тој го има направено тоа како одговор на повиците за напад на граѓани на коалицијата.“

Претходно денеска британскиот премиер Тереза ​​Меј изјави: „Нападот во Лондон е извршен од еден бомбаш, а се истражува дали екстремистот имал соработници. Направени се сепак 6 притвори, откако безбедносните сили претресоа 8 куќи во Бирмингем.“ 

Тереза ​​Меј потврди дека станува збор за британски државјанин. Според вести во британските медиуми мажот се вика Тревор Ричард Брукс (Абу Изедин), бил суден за „ширење на тероризам“ и имал ефективна пресуда - 4 години затвор, откако беше осуден во 2008 година. Брукс се радикализирал кога бил 17 години. Тој е електричар по професија, се оженил, со три деца.

Немало разузнавачки податоци за заговор или за меговите намери рече Тереза Меј, без да го потврди идентитетот на бомбашот, прецизирајќи дека британските служби спречиле 13 обиди за атентати во последната година.

Напаѓачот кој вчера удир во толпа луѓе беше застрелан од полицијата. Жртвите на нападот се 4, 29 се повредени, соопштија од британската полиција.