Терористите можат да се преселат во Босна за да ја нападнат Европа?
Објавено во: Балкан 28 Август, 2017
Терористите може да создадат европска база во Босна, предупреди чешкиот претседател Милош Земан во интервју за Чешката телевизија „Блеск“, цитиран од агенциите.
Според него, по загубата на териториите во Ирак и Сирија, терористите можат да се преселат во Босна за да ја нападнат Европа.
Земан смета дека тие можат да бидат префрлени во Авганистан, каде што имаат поголеми шанси за успех.
Во Босна, исламистите имаат многу поддржувачи, а во голем број босански градови и села се појавуваат црните знамиња на „Исламската држава“.
„Опасноста ќе се појави ако има луѓе кои бегаат од Сирија и Ирак по поразот на ИД“- рече Земан.
Тој додаде дека ако неговите предвидувања се остварат, европските земји ќе мора да реагираат на нова терористичка закана.
„Ќе има потреба да се преговара со раководството на Босна и Херцеговина за тоа како да се намали оваа опасност или како да се отстрани“- доаде тој.
Денес се верува дека повеќето европски џихадисти се од поранешната југословенска република.
Босна е поврзана со исламскиот радикализам уште од времето на војните во поранешна Југославија, кога и муџахедините се бореа на страната на муслиманите.
Во моментов БиХ е тешко функционална држава во која власта ја делат Бошњаците, Хрватите и Србите.