„Тиранската платформа“ и денес главна во Собрание

Добивај вести на Viber

Уште еден ден од собраниската седница поминува во исто темпо. 

Низа реплики и контрареплики и денес од собраниската говорница.

Оптимизам кај мнозинството, лутина кај пратениците од ВМРО ДПМНЕ.

Пратениците на СДСМ повторно со низа обвинувања до спикерот Вељаноски дека го криши деловникот, а нивните колеги од ВМРО ДПМНЕ тиранската платформа ја прекрстија во Тројанскиот коњ на СДСМ.

Николовски се осврна на блокираните субвенции.

„Постојат сериозни индиции кои говорат дека токму во овој период, кога ја правите оваа блокадата, стопирате 100 милиони евра субвенции за земјоделците. Во овој период на блокада од релевантни извори се знае дека од следниот месец ќе биде загрозена исплатата на плати, пензии и на социјална помош. Љупчо Димовски незаконски дозволи исплата на стотици илјади евра за субвенции кои не отидоа кај вистинските земјоделци, туку кај ваши функционери“, рече Николовски.

Со процедурални забелешки се јавија Антонијо Милошоски, Илија Димовски и Љупчо Димовски.

„Тука сите зборуваме во име на народот, а тоа најмалку може да го каже тој што го претрпе најголемиот пораз на овие избори, а тоа е Љупчо Николовски. Луѓето се изјаснија и кажаа дека повеќе му веруваат на Илија Димовски отколку на Љупчо Николовски. Зборувате за криминал, па претходно расчистете го во своите редови. Сакам да ви укажам, не заканувајте се на колегите пратеници, народот го има последниот збор“, рече Милошоски.

Љупчо Димовски пак изкави дека нема да одговара на „овие глупави обвинувања“, на што Вељаноски додаде дека „не мора на секоја глупост да се одговара“.