Топол и пријатен викенд, температурите ќе растат
Објавено во: Македонија 29 Јули, 2017
Граѓаните на Македонија може да очекуваат стабилно и се потопло време со постојан раст на дневните температури, како за време на овој викенд така и за почетокот на идната работна недела.
Според УХМР денеска ќе преовладува сончево и потопло време со мала облачност. Ќе дува слаб до умерен северозападен ветер. Максималната температура во Охрид ќе достигне до 33 степени Целзиусови, а индексот на УВ зрачење ќе достигне 9.
Во недела и понеделниk попладне во западните делови ќе има услови за појава на краткотраен дожд со ретки грмежи, но температурите ќе бидат високи и насекаде ќе достигнат над 30 степени.
Најтопло се очекува да биде кон средината на следната работна недела кога дневната темпертура на воздухот ќе достигне до 40 степени, пренесуваат од УХМР.