Трамп го навредуваше Обама до „смрт“, а сега му е симпатичен
Објавено во: Свет 09 Декември, 2016
Доналд Трамп покажа дека е политичар кој речиси секојдневно ги менува ставовите за важни политички прашања, па откако беше еден од смртните непријатели на актуелниот претседател сега вели дека Барак Обама му е симпатичен како човек и дека меѓу нив има добра хемија.
„Откако го запознав лично можам да кажам дека тој е навистина добар човек и си ја сака својата земја, па презема чекори кои се од голема важност. Секако, имаме различни ставови по многу политички прашања, но сега соработуваме, постојано сме на телефон и меѓу нас има добра соработка“ изјави Трамп за американските медиуми.
Обама од друга страна вели дека го почитува политичкиот процес на транзиција на власта и за Трамп вели дека треба да му се даде шанса да се докаже како претседател на САД и побара поддршка и од домашната и од меѓународната јавност.