Трамп: Саудиска Арабија, ти благодарам!
Објавено во: Свет 22 Ноември, 2018
И покрај контроверзите со бруталното убиство на новинарот Џемал Кашоги, претседателот на САД, Доналд Трамп, и се заблагодари на Саудиска Арабија за намалувањето на цената на нафтата.
Тој веќе најави дека САД нема да се свртат против Ријад, и покрај одговорноста за убивање на новинарот Џемал Кашоги, бидејќи „приоритет се економските и безбедносните интреси пред какви било грижи за човековите права“. Вртење грб на традиционалниот сојузник на Блискиот Исток би било огромна грешка.
„Цените на нафтата се намалуваат. Благодарам Саудиска Арабија, и ајде да ги направиме уште пониски“, напиша Трамп на неговиот Твитер профил.