Три лица, меѓу кои и тинејџер, повредени во инцидент во Чаир
Објавено во: Македонија 07 Април, 2023
Физичка пресметка која најверојатно преминала и во вооружена престрелка се случила попладнево во близина на џамијата во Чаир, каде има зголемено полициско присуство.
Три лица се повредени и пренесени во градската болница “Свети Наум Охридски”, при што едниот од повредените има повреда на раката од оружје, а други двајца повреди од тврд предмет.
Од МВР го потврдуваат инцидентот и посочуваат дека „денеска околу 18 часот во СВР Скопје пријавено е дека дошло до физичка пресметка во близина на поликлиника Бит Пазар во Скопје“.
- Непосредно потоа од ГОБ Св.Наум Охридски е пријавено дека за лекарска помош се пренесени А.Б. (20) со повреда на десна рака од оружје, како и А.Б (23) со повреди од тврди предмети и 17-годишен малолетник со повреди од физички напад. Се преземаат мерки за расчистување на случајот - велат од МВР.