Цела Европа во страв ќе ја дочека Нова година

Добивај вести на Viber

Новата 2016-та година, ширум светот ќе се слави во сенка на стравот од терористички напад. Во европските метрополи новогодишната ноќ ќе се прослави под строги безбедносни мерки и контроли.

Традиционалната прослава е откажано и во Белгија, каде полицијата утрово приведе шест лица кои биле осомничени дека подготвуваат терористички напад.

Истата ситуација е и во Париз, каде е одлучено да нема спектакуларен огномет, а се очекува да има и многу малку луѓе на плоштадите. Ова следи по претходните терористички напади во Франција, зад кои што стоеше Исламската држава.

Ниту Лондон не спие мирно, заради разузнавачки информации дека е можен напад и на улиците ќе бидат распоредени повеќе од 3.000 полицајци.

И плоштадот на Москва, за прв пат по 25 години ќе биде затворен. Руските власти ги повикаа своите граѓани да ја прослават Новата година во своите домови. Во Њујорк, освен полиција на улиците, во акција вечерва ќе бидат и хеликоптери кои ќе го надгледуваат Менхетн,  а ќе се користат и детектори за хемиски и нуклеарни материјали.

Истовремено и Брисел објави дека е откажана традиционалната новогодишна прослава, поради закана од терористички напади.

И турската полиција денеска објави дека уапсила двајца припадници на Исламската држава кои спремале напади за новогодишната ноќ.