Добивај вести на Viber
Директорот на Тутунскиот комбинат во Подгорица, Славољуб Вукашиновиќ најави дека заедно со швајцарската компанија Дуфри, ќе излезе на српскиот пазар.
Како што пренесува црногорскиот весник Дан, Вукашиновиќ објасни дека комбинатот добил акцизни маркички за извоз во Србија и дека цигарите на таа компанија ќе се најдат само во фри шоповите на белградскиот и нишкиот аеродром.
„Склучивме договор со швајцарската компанија Дуфри, која има ланец на фри шопови во светот, а иако се работи за симболична трговија со оглед на големината на пазарот, за почеток и тоа е значајно, бидејќи не сме во состојба да бираме дејности по количина“, изјави Вукашиновиќ кој додава дека и во периодот кога таа фабрика најдобро работела, застапеноста на нивните производи на пазарот на цигари не била повисоки од еден процент.