Турција брзо ја „запечатува“ границата
Објавено во: Балкан 21 Октомври, 2016
Турција брзо напредува со изградба на оградата на границата со Сирија.
На 20 октомври заврши изградбата на модуларен бетонски ѕид на распон крај Килис, чија цел е да се осигура безбедноста на пограничната зона меѓу Турција и Сирија. Кон пролетта 2017 година Турција планира да ја заврши изградбата на оградата долж границата со Сирија со вкупна должина 911 километри, велат официјални претставници во Анкара.
„Сакаме 911-километарската граница со Сирија да биде затворена и ние ќе ја затвориме целосно до пролетта следната година"- информираат турските власти.
Според Анкара ѕидот е неопходен и за спречување на нелегалната имиграција од Сирија во Турција, каде веќе има скоро 3 милиони сириски бегалци.
Целата граница ќе биде обезбедена со бетонски блокови, широки 2 метри и високи 3 метри. Тие можат да се движат и тежат по 7 тони, а врвовите им се покриени со бодликава жица.
Уште во почетокот на 2014 година, Министерството за внатрешни работи на Турција го претстави планот за изградба на долгиот од 1.000 километри ѕид на границата со Сирија.