Турција гради куќи во Албанија по земјотресот, Рама им се „закани“ на сограѓаните
Објавено во: Балкан 10 Декември, 2019
Во неделата, албанскиот премиер Еди Рама беше во Истанбул, каде се состана со турскиот претседател Реџеп Таип Ердоган и турските и арапските бизнисмени од кои очекува помош по разорниот земјотрес кој ја погоди соседна Албанија на крајот на минатиот месец.
Турските инженери се веќе во Албанија, каде, како што вети порано Ердоган, ќе градат 500 домови.
Грција, Италија, САД, Франција, Бугарија и Романија ги испратија своите инженери во оштетените области на Албанија.
Имено Еди Рама, го поднесе првиот извештај за прелиминарната штета од земјотрес кој погоди делови од земјата на 26 ноември, втор извештај е најавена за 16 декември, а конечниот ќе биде готов во јануари следната година.Владата на Албанија објави дека од 6.000 згради што биле проверени, околу 2.450 биле неупотребливи, 460 требало да се урнат, додека 43 веќе биле урнати.
Училиштата започнаа да работат денес во Драч и Тирана, но повеќе од 10,000 деца мораа да бидат префрлени во други училишта, јавуваат албанските медиуми
Европската унија и помага на Албанија да ги процени штетите и потребите за реконструкција, а Европската комисија веќе испрати 15 милиони евра (16,6 милиони американски долари) за почеток.
Албанија побара меѓународна финансиска помош за реконструкција.
Владата на Албанија издвои 13 милијарди леки (117 милиони американски долари) за реконструкција, додека другите седум милијарди се донирани.
Земјотресот од 6,4 степени по Рихтер усмрти 51 лице, а повредени се повеќе од 3.000 луѓе. Повеќе од 11.000 згради беа оштетени, а околу 13.000 луѓе ги загубија своите домови.
На денешниот состанок на Комисијата за реконструкција, Рама рече дека откако ќе биде објавен конечниот извештај за штети, ќе има пат за донации и обнова на уништените домови.
Според него, ваквите извештаи одземаат време.
- Заради транспарентноста, работиме на посебен извештај со детални податоци за владата, донациите и корисниците - рече Рама, додавајќи дека се подготвува и посебен закон за санирање на штетата, со цел создавање, како што рече, ексклузивна рамка за сите аспекти на реконструкцијата.
Поднесувајќи прелиминарен извештај за последиците од земјотресот, Рама им порача на оние кои, како што посочил, намерно ги оштетуваат нивните домови да не го прават тоа, бидејќи државата нема да може да им помогне.
Тој рече дека сите штети се веќе наведени и дека намерната штета нема да биде земена во предвид.
- Им порачувам на сите да не прават такви работи. Програмата е наменета за оние кои ги загубија своите домови и не можат да влезат во нивниот дом. Во овој момент, морам да бидам многу јасен дека тие штети намерно предизвикани нема да поминат - рече Рама, објави порталот Балкан Веб.
Инаку, Рама беше во посета на Драч, крајбрежен град кој заедно со Туман е едно од најтешко погодените места.
Можеби ќе ве интересира
„ЛИДЛ“ ВО СРБИЈА СО НЕОЧЕКУВАН ПОТЕГ: германската компанија го откажа рекламирањето на „проруските медиуми“
СТАН ЗА 200 ИЛЈАДИ ЕВРА: Во оваа балканска држава цената на становите летна во облаци
АКО ДЕНОВИВЕ ОДИТЕ ВО БЕЛГРАД, ВНИМАВАЈТЕ НА НОВИТЕ КАМЕРИ: Ова се локациите на кои демнат камерите, еве кои прекршоци автоматски ги регистрираат
PEPSICO ДОБИ НОВ ГЕНЕРАЛЕН ДИРЕКТОР ЗА ЈУЖНИТЕ ПАЗАРИ НА ЦЕНТРАЛНА ЕВРОПА: Од Белград ќе раководи со 14 меркети во регионот
ЕУ ЌЕ МУ ДАДЕ ДВЕ МИЛИЈАРДИ ЕВРА НА ЗАПАДЕН БАЛКАН ДО 2027 ГОДИНА: Што предвидува досега најамбициозниот финансиски пакет?
ТАТКОТО НА НОВАК ЃОКОВИЌ ПРИМЕН ВО УРГЕНТНИОТ ЦЕНТАР - еве дали ќе биде задржан во болница
„ЖИВЕЕМЕ ВО ЕРА НА ТЕХНОФЕУДАЛИЗАМ, НИЕ СМЕ ОБИЧНИ КМЕТОВИ НА ТЕХНОЛОШКИТЕ ГИГАНТИ“ - Јанис Варуфакис напиша нова книга, еве кои му се плановите
БИТКА ЗА „ЈУГОСЛАВИЈА“: Протест во Нов Белград заради рушењето на култниот хотел
ГАЗДИТЕ НЕ ГИ ИНТЕРЕСИРА ИСКУСТВОТО, ВАЖНО Е ДА САКААТ ДА РАБОТАТ: Овие два занаети се плаќаат повеќе од 150.000 динари месечно во Србија
