Турција се предомисли за „диктаторот“ Асад - Тој е неопходен за решавање на сириската војна
Објавено во: Свет 20 Јануари, 2017
Турција под водство на претседателот Реџеп Таип Ердоган имаше кратка авантура кога несмасно изјави дека нивната армија е ангажирана со цел да биде срушен диктаторот Башр ал Асад, но по бројните опоменувања од страна на Русија мораше да ја промени позицијата.
Сега турските власти оценуваат дека без Башр ал Асад не е возможно конечно и трајно решение на сириската војна бидејќи земјата на тој начин подолг период ќе остане дестабилизирана.
Турција повеќе не може да инсистира на решавањето на сирискиот конфликт без вклучување на претседателот Башар ал-Асад, имајќи предвид дека состојбата на теренот драматично се променила, изјави во петокот турскиот вицепремиер Мехмет Шимшек.
„Кога станува збор за нашите ставови за Асад, сметаме дека тој е директно виновен за патењето на сирискиот народ и трагедиите. Меѓутоа, мораме да бидеме прагматични, реални“, изјави Шимпек на панелот за Сирија и Ирак на Светскиот економски форум во Давос.