Турција состави „црна листа“ на германски компании
Објавено во: Балкан 21 Јули, 2017
На германските власти Турција им достави список со над 680 компании осомничени за поддршка на тероризам.
Оваа информација ја објавија западните медиуми повикувајќи се на извор во службите за безбедност.
Бројката е речиси 10 пати поголема од првично соопштената од германски медиуми.
Германски „Цајт“ објави дека на списокот се големи концерни како Дајмлер и БАСФ. За ова заменик-премиерот на Турција, Мехмет Шимшек, на „Твитер“ напиша дека наводите се „целосно невистинити“.
Весникот објави дека турската Влада на Берлин му доставила листа на физички лица и компании за кои Анкара смета дека го поддржуваат тероризмот и дека се поврзани со движењето на исламскиот проповедник Фетулах Ѓулен. Него турските власти го обвинуваат дека го организирал ланскиот обид за пуч во земјата кој пропадна.