Туск: Македонија може да смета на поддршката на ЕУ кога ќе најде демократско решение засновано на здрав разум

Добивај вести на Viber

„Разбирам дека сега не се лесни времиња и дека имате голема одговорност, овие времиња бараат државнички однос и ништо помалку“, вака претседателот на европскиот совет му се обрати на шефот на државата по завршувањето на средбата меѓу двајцата функционери а на стартот на заедничката прес конференција.

Доналд Туск искажа задоволство од односот кој Македонија го покажала во однос на мигрантската криза и рече дека се надева оти овој однос ќе ја продолжи соработката а заедницата ќе излезе во пресрет на сите потреби на терен без оглед на тоа дали се работи за хуманитарна поддршка за локалните заедници или во форма на опрема или човечки ресури и преку граничната полиција на Европската унија.

Со силна порака од лидерите и институциите на ЕУ претседателот на Европскиот совет рече дека работењето кон постигнување членство на ЕУ и НАТО постојано се покажувало како фактор на единство, единство кое што е многу потребно во нашата земја денес.

Туск искажа надеж дека Македонија ќе продолжи да го следи тој внатрешен компас и дека ќе го избегнува се она што може да ги подгрее тензиите меѓудругото и по етничка основа .

Првиот човек на советот на ЕУ му посочи на Иванов дека му одговорил на неговото писмо во почетокот на март околу изнаоѓањето на излез од тековната политичка криза.

„Оваа продолжена криза ја задржува Македонија на нејзиниот евроатланстки пат а вас ви останува да најдете решение кое ќе биде засновано на демократските начела, пристојност и здрав разум.

Само таквото решение може да биде одржливо. Кога ќе го пронајдете можете да сметате на нашата поддршка“, рече Туск на крајот на пресконференцијата.