УАПСЕНИ ТЕРОРИСТИ ВО ЕГИПЕТ: Планирале да се разнесат во црква
Објавено во: Свет 25 Јуни, 2017
Египетската полиција спречи бомбашки напад на црква, и уапси цела терористичка ќелија.
Шест мажи од екстремистичката ќелија, вклучувајќи двајца, кои требало да извршат самоубиствени напади, се уапсени во медитеранскиот град Александрија, информираат од Министерството за внатрешни работи на Египет.
Еден од осомничените планирал да се саморазнесе во христијанска црква, додека друг би требало тоа да го направи, кога на местото на несреќата ќе пристигне полицијата.
Од почетокот на 2017 година имаше повеќе напади на цркви во Египет. На мета беа Коптите кои се христијани. Тие се заканија дека или ќе се одмаздат или ќе загинат како и другите христијански верници. Коптите се малцинство во Египет и сочинуваат околу 10% од населението.