УДАРОТ ВРЗ ТЕРЕЗА МЕЈ СИГУРЕН: Северна Ирска може да ја напушти Велика Британија по Брегзит
Објавено во: Свет 28 Март, 2017
Северна Ирска има право да ја напушти Велика Британија и да се приклучи кон Европската унија по Брегзит, за прв пат изјавија министри, пишува весникот The Times.
Ова е уште еден удар врз напорите на премиерот Тереза Меј да го задржи кралството обединето. Министрите прецизираа дека Северна Ирска ќе треба повторно да аплицира за членство во ЕУ како нова земја.
Овој коментар се случува, додека државните службеници се подготвуваат од утре, 29 март, да ја преземат контролата над буџетот на Северна Ирска: по неуспехот на политичките партии во покраината да постигнат договор за поделбата на одговорностите.