Угреновиќ сега не се чуствува виновен за убиството на охриѓанецот Матилоски
Објавено во: Македонија 25 Јули, 2017
Во повторената постапка на судење српскиот турист Бојан Угреновиќ кој за новогодишната ноќ 2016 беше гонен за убиство сега се произнесе дека не бил виновен што е сосема спротивно на првичното судење кога му беа изречени 16 години казна затвор.
По ова судијката Весна Кичеец го одложила рочиштето за септември, кога исказ треба да дадат сведоци во случајот.
Денешната изјава пред судот на обвинетиот е спротивна на исказoт што тој го даде на 15-ти декември во Основниот суд во Охрид. Тогаш Угреновиќ на почетокот од главната расправа на прашање на судечкиот судија изјави дека се чувствува виновен за кривичното дело за кое се товари и изрази жалење и каење за стореното. Тој тогаш ги прифати сите наводи во обвинението кое го товари дека критичната вечер физички го нападнал Димитар Матилоски во кафе барот Табана, а потоа надвор му задал удари, од кои еден во пределот на лицето бил фатален за младиот охриѓанец.
Судот тогаш го осуди Бојан Угреновиќ на казна затвор во траење од 16 години, која подоцна поради забелешки беше поништена од апелацискиот суд во Битола, а предметот беше вратен на повторно судење во Основниот суд во Охрид.