Унгарија ќе му пресуди на Сириец кој сечел човечки глави
Објавено во: Свет 03 Септември, 2019
Сириец e обвинет за тероризам во Унгарија.
Хасан Ф. (27), кој командувал со вооружената група Исламска држава и e уапсен во Унгарија во март годинава, сега се соочува со доживотен затвор, изјави државниот обвинител Тибор Иболија за МТИ.
Унгарското обвинителство го обвини Сириецот дека бил член на терористичката организација Исламска држава и дека извршил терористички дела и злосторства против човештвото.
Тој наредил повеќе погубувања во својата земја во мај 2015 година.
Во тој период се убиени 25 лица, меѓу кои и жени и деца.
Хасан Ф. е осомничен дека лично учествувал во јавното обезглавување на локалниот имам, како и во убиството на најмалку две други лица.
Истрагата се одвивала во неколку други земји членки на ЕУ, вклучително и Малта, Белгија и Грција, каде што се сослушани можните сведоци.