УРБАНАТА МАФИЈА УДРИ ПО ОРЦЕ ЃОРЃИЕВСКИ? Непознати сторители го обиле неговиот автомобил
Објавено во: Македонија 26 Ноември, 2022
Вчеравечер, Градоначалникот на Општина Кисела Вода, на својот Фејсбук профил, објави фотографија на која се гледа искршен прозорец од неговиот автомобил и нагласи дека зад нападот стои урбаната мафија со која тој се справува.
„ Вечерва, „непознати сторители“ го обија мојот автомобил нанесувајќи материјална штета.
Случајот е пријавен во полиција (искрено не очекувам да бидат најдени.) Иако навидум сторителите се непознати, причините се јасни. Намерата им е да ме „поздрават“ , затоа што се справувам со урбаната мафија која дивееше и беше главна во време на претходниците. Епа веќе не смее да припари урбаната мафија накај општина, општината ја водат граѓаните.
Нема по ниту една цена да се сопре развојот на Кисела Вода, решавањето на проблемите на народот и да дозволам матните бизнис интереси на поединци да бидат посилни од тие на народот.
Стаклата и возилото може да ги кршат колку сакаат, ама не можат да ја скршат никогаш мојата одлучност да ја решам урбаната мафија еднаш, засекогаш. Моите сограѓани го заслужуваат тоа!
На сите треба да им е јасно, никој нема да ме „заплаши“ или премисли во намерите да го исполнам она што сум го ветил“, напиша тој во својот статус.
Постот целосно може да го погледнете овде.