Уште една недела Водно ќе прима гости со автомобили
Објавено во: Македонија 18 Ноември, 2017
Може ли да го замислите Водно без автомобили?
Ваквата глетка за добро на граѓаните надлежните од град Скопје решија да ја гледаме од следниот викенд.
Тоа значи дека до скопскиот прочистувач на загадениот воздух со вашиот автомобил ќе може да се искачите само уште неколку дена.
Одлуката на Град Скопје важи за сите возила освен оние на ЈСП, полицијата, пожарникарите, брза помош и на штабовите за итни интервенции и истата забрана се однесува за еден правец, од клучката за Сопиште до Средно Водно и од паркиралиштето кај манастирот „Свети Пантелејмон“ до Средно Водно.Средно Водно и од паркиралиштето кај манастирот „Свети Пантелејмон“ до Средно Водно.
Водно без автомобили ќе важи за време на викендите и државните празници.
За да им се „реваншира“ на граѓаните, град Скопје за таа цел ќе овозможи две нови пробни автобуски линии со броебите 25а и 25б.
Тие ќе сообраќаат од своето поаѓалиште без застанување сè до Средно Водно. Едната автобуска линија ќе тргнува пред катната гаража на улицата Свети Кирил и Методиј, а втората ќе тргнува од паркиралиштето кај Цветниот пазар.