Валандово ќе ја реши судбината на „Казандол“
Објавено во: Македонија 20 Август, 2017
Во Валандово денеска ќе се одржи референдум на кој граѓаните треба да се изјаснат дали се за или против изградбата на рудникот „Казандол“, но и за можното отворање на други рудници на територијата на градот.
За да биде успешен референдумот, треба да излезат минимум 5.200 граѓани со право на глас.
Против изградба на новите рудници во овој регион досега се изјаснија граѓаните од Богданци, Дојран и Гевгелија. Иднината на нашите генерации зависи од она што ќе го направиме оваа недела, порачаа активистите кои веќе подолг период водат кампања против изградбата на рудникот „Казандол“.
„Спас за Валандово“ ги информираше граѓаните за штетните последици од отварање на рудник.
Имаше и поплаки дека трпат притисоци за да не излегуваат на гласање.