Вандалска постапка! Што остана од пораката на Бадникарите?
Објавено во: Македонија 12 Април, 2022
Деновиве скопските Бадникари биле непријатно изненадени и како што велат, огорчени поради постапката на непознати сторители на јужните падини на Водно кај месноста Краста.
Имено, тврдат дека од несватливи причини е искршена, а потоа запалена таблата сo еколошка, а не некаква политичка или комерцијална порака, а потоа запалена.
„Причините за ваквата вандалска постапка се несфатливи и предизвикуваат гнев и неверување кај Бадникарите, кои уживаат неподелени симпатии и поддршка од своите сограѓани за скоро 30 годишната успешна активност. Тие на Краста каде што со години, во пресрет на Божик, ги берат бадниковите гранчиња кои на Бадник им ги делат бесплатно на скопјани на собир пред Соборниот храм Свети Климент Охридски со безброј придружни манифестации кои станаа скопска традиција.
А, на спорната табла стоеше порака со еколошка содржина - не фрлајте отпадоци и чувајте ја околината, за која пристигнуваа пофалби и симпатии. Бадникарите се зачетници и чувари на традициите на саканиот град,хуманитарци и екологисти и не заслужуваат ваква долна и гнасна реакција на непознатите престапници, стои во известувањето од Одборот за традиционална прослава на Бадник.
За овој вандалски чин ќе поднесат соодветна пријава до институциите на системот до непознат сторител.