Ватростална стана сопственик на Вардар, европскиот првак започнува од ново со променето име и 25.000 евра
Објавено во: Економија 04 Јуни, 2020
Компанијата за изградба и одржување на топлотехнички постројки Ватростална официјално стана нов сопственик на актуелниот европски ракометен првак Вардар. Од 29 мај основан е нов клуб, а пријавата е прифатена вчера, така што двократниот европски шампион официјално ќе носи ново име - Вардар 1961.
Паричниот влог и основната главнина е 25.000 евра, а Михајло Михајловски и службено е регистриран за генерален менаџер на црвено-црните. Бизнисменот претходно најави дека ќе донесе во клубот партнери-помагатели, па така претседател на Одборот на директори е Бојан Јанев, додека неизвршен член на истиот е Благоја Лазаревски.
Најголемиот македонски спортски бренд ја менува сопственичката структура по заминувањето на стариот сопственик Сергеј Самсоненко, со кој новиот претседател Михајловски рече дека веќе се расчистени сметките и дека Вардар се превзема без долгови и започнува од нула.
„Сега сме во фаза на предлог-договор и би требало најкасно до 1 јуни да се преземе клубот. Клубот ќе биде преземен без долгови, Сергеј ќе си ги регулира претходните долгови на играчите. Јас веќе имав состанок со играчите и кажано им е дека ќе сториме сè за да привлечеме партнери кои ќе ни помогнат да го одржиме клубот на високо ниво“, рече претходно Михајловски.
Бизнисменот го менаџираше Вардар речиси две децении пред да го превземе Самсоненко, а беше прогласен и за почесен претседател. Тимот ќе има целосно изменет лик следната сезона, ќе се потпре на млади засилувања. Сите ракометари кои пристигнаа се помлади од 25 години, нешто што не беше случај во претходните преодни рокови, кога главно Самсоненко ангажираше проверени имиња и големи ѕвезди.
А.К.
Можеби ќе ве интересира
ДРЖАВИТЕ ДА ПРАВАТ РЕЗЕРВИ ЗА КРИЗНИ ПЕРИОДИ – што научивме од последователните кризи, каде да се насочат „силите“ во иднина
АРАНЖМАНИТЕ ЗА МАЈ И ЈУНИ ПОПОЛНЕТИ, ИМА ПО НЕКОЕ МЕСТО И ЗА СЕПТЕМВРИ - Србите не се откажуваат од Грција, иако е поскапа за 15 отсто
СЕКОЈ ДЕСЕТТИ ГРК РАБОТИ ПРЕКУВРЕМЕНО, ХРВАТИТЕ МНОГУ ПОМАЛКУ, А БУГАРИТЕ НАЈМАЛКУ - еве што покажуваат податоците за земјите на Европската унија
КОНКУРЕНТСКИТЕ ВИ ГИГАНТИ ГИ ВОДАТ ЛУЃЕ КОИ СЕ РОДНИНИ И ПРИЈАТЕЛИ ОД ДЕТСТВОТО - еве како сѐ почна
СРБИТЕ ОДАТ НА СЕЗОНСКА РАБОТА ВО ХРВАТСКА: Зошто оваа земја е примамлива за нив?
ХРАНАТА ВО СВЕТОТ ПОСКАПУВА: Шеќерот поевтини поради позитивни сигнали од три земји
ВАЛУТИ: Зошто паѓа вредноста на доларот во однос на јенот?
ИЗБЕГАА ОД МОБИЛИЗАЦИЈА: Зошто Русите сега се враќаат дома?
НАЈБОГАТИ ЛУЃЕ ВО СВЕТОТ: Kaде на листата е Илон Маск?
