Вечер за паметење на културниот живот на Скопје
Објавено во: Мои пари 18 Ноември, 2017
Вчеравечер во новоотворената „АРС СТУДИО’’ книготека во центарот на градот на улицата „Максим Горки’’ бр. 21 пред бројните љубители на убавиот пишан збор се претстави реномираниот италијански автор Клаудио Магрис.
Tој е добитник на најпрестижната италијанска награда „Стрега’’ за делото Микрокосмоси и во 2007 година бил во најтесниот избор за Нобелова награда за литература.
Гостите имаа можност лично да се запознаат со авторот и да бидат дел од промоцијата и потпишувањето на делата Запрена постапка, Друго море и Микрокосмоси во издание на „Арс студио“ на македонски јазик.
Свое обраќање за Клаудио Магрис и неговото значење во италијанската, европската и светската литература имаше Н.Е. Карло Ромео, амбасадор на Р. Италија. Марија Грација Цветковска, преведувач на делата Запрена постапка и Микрокосмоси даде свој осврт на овие книги. Со многу емоции и спомени беа пренесени делови од романот Запрена постапка, најновиот роман на Клаудио Магрис. Тој се базира на вистинит настан во Трст, а Трст е она што е заедничко и за авторот и за преведувачот – тоа е нивниот роден град.
Посетителите имаа можност да слушнат извадоци од делото Друго море, прочитани од авторот на оригинален јазик и од преведувачот, проф. Анастасија Ѓурчинова на македонски. Проф. Ѓурчинова даде свој осврт на ова дело.
Оние кои сакаат да уживаат во добра книга нека ја посетат новата „АРС СТУДИО’’ книготека во центарот на градот и ќе можат да ја збогатат својата библиотека. Најголем дел од насловите се за прв пат преведени на македонски јазик. „АРС СТУДИО’’ книготека располага со сопствени изданија преведени на македонски јазик на најголемите филозофски мислители –Хегел, Кант, Ниче, Расел, врвни психолози и реномирани историчари. Воедно има огромен избор на најнови книжевни изданија од домашни и странски автори.
Можеби ќе ве интересира
Успешен и профитабилен прв квартал од 2024 за НЛБ Банка
АСО: Неоправдано поскапување на задолжителното автомобилско осигурување
ТРИКРАТНИОТ ШАМПИОН ИГОР ИЏЕ СТЕФАНОВСКИ ВО ПОХОД ПО НОВА ЕВРОПСКА ТИТУЛА
„A1 Academy” заокружи уште еден успешен модул – Бизнис аналитика
Хуманитарен велигденски настан во Веро центар за лицата со церебрална парализа
Караванот „Не е до нив, до тебе е“ утре патува во Скопје и во Охрид
ВЕЛИГДЕНСКИ БОНУСИ ВО ПРОГРАМАТА ЗА ЛОЈАЛНОСТ НА 2win.мк
Прашања од граѓански организации до политичките партии пред следниот изборен круг
„Позитивниот избор од НЛБ Банка многу не израдува, тоа е потврда дека со нашата активност сме на вистинскиот пат“: Роберт Петрушевски еден од финалистите на пороектот на НЛБ „Рамка за помош“
