(ВИДЕО) БЕСНИОТ УРАГАН ДОРИЈАН ЈА УНИШТУВА АМЕРИКА: Дете е првата жртва

Добивај вести на Viber

Малиот Лачино Мкитнош кој има седум години и е од Абакос на Бахамите, е прва жртва на ураганот Доријан во САД.

Малиот се удавил додека со семејството се обидувал да се евакуира на безбедно.

Ситуацијата да биде уште полоша, и неговата сестра исчезнала од бурата.

Гувернерите на сојузните држави на САД, Џорџија и Јужна Каролина, наредиле евакуација на населението поради ураганот Доријан кој им се приближува на тие земји.

Гувернерот на американската сојузна држава Џорџија Брајан Кемп наредил задолжителна евакуација на жителите на неколку окрузи.

Се работи за окрузите Глин, Чатам, Либерти, Камден, Макинтош и Брајан, а наредбата е на сила од понеделник, соопштил неговиот кабинет.

Кемп и негoвите претставници ќе одржат бројни состаноци во понеделникот почнувајќи од рано утрото во Савана.

Училиштата долж брегот најавиле дека ќе бидат затворени поради приближувањето на ураганот Доријан. Се очекува бурата да се пресели северно од брегот, а Џорџија уште утре би можела да се најде на мета на ураганот.

Сериозна евакуација наредил и гувернерот на Јужна Каролина Хенри Мекмастер и тоа за целиот брег, што значи евакуација на 830 000 жители, пренесе АП.

-Не можеме сите да ги задоволиме, но верувам дека можеме да помогнеме сите да преживеат-рекол Мекмастер.

И властите на Флорида наредиле задолжителна евакуација во некои загрозени крајбрежни делови.

Ураганот Доријан, кој е прогласен за ураган од петта најсилна категорија, дошол до копно на Елбов Кеј, на островот Албако во неделата околу 13 часот.

Властите на Албака пријавиле „катастрофални услови“, а ги фатила бура од 5,5 до 7 метри.

Жителите на Албака и Големите Бахамски острови пријавија дека куќите им се поплавени и крововите им се оштетени.